Thursday, May 21, 2015

လွန်ခဲ့တဲ့ ဧပရယ်လ ၂၈ ရက်နေ့က စတင်ပြီးတော့ နိုင်ငံ ၁၈ နိုင်ငံမှာ စတင်စမ်းသပ်ခဲ့တဲ့ Facebook Messenger ၏ Video Chat ဝန်ဆောင်မှုကို ယမန်နေ့က ကမ္ဘာတစ်ဝန်းသို့ တိုးချဲ့ပေးလိုက်ပြီ ဖြစ်ပါတယ်။

ယနေ့ (မေလ ၂၁ ရက်နေ့) နံနက်မှာ MCG နူးယောက်ခ်ရုံးခွဲနဲ့ MCG ရန်ကုန်ရုံးချုပ်တို့ အကြား Video Chat အသုံးပြုပြီး စမ်းသပ်ခေါ်ဆိုမှု ပြုလုပ်ခဲ့ရာ အဆင်ပြေ ချောမွေ့ခဲ့ပြီး Video Quality အသင့်အတင့် ကောင်းမွန်တာကို တွေ့ရှိခဲ့ရပါတယ်။

မိုဘိုင်းလ် ဆက်သွယ်ရေးကဏ္ဍကို လက်ဝါးကြီးအုပ်နိုင်ဖို့ ကြိုးစားနေတဲ့ Facebook ဟာ ယင်းတို့ရဲ့ နောက်ဆုံးခြေလှမ်းအဖြစ် Facebook Messenger ပေါ်၌ Video Chat ပြုလုပ်နိုင်ရန် ဖန်တီးလိုက်တာပဲ ဖြစ်ပါတယ်။

Facebook Messenger ဟာ လတ်တလောမှာ လူသုံးအများဆုံး ဆက်သွယ်ရေး နည်းပညာအဖြစ် ရပ်တည်နေပြီး သန်းရာနှင့်ချီတဲ့ Facebook သုံးစွဲသူများက နေ့စဉ်အသုံးပြုနေတာဖြစ်လို့ Video Chat အား ထည့်သွင်းပေးလိုက်ခြင်းဖြင့် Facebook အနေနဲ့ Apple FaceTime ၊ Google+ Hangouts နဲ့ Skype တို့ကို ထိပ်တိုက်ရင်ဆိုင် သွားနိုင်ပြီ ဖြစ်ပါတယ်။

Video Chat အား အသုံးပြုရန် သီးသန့် App ထည့်သွင်းရန် မလိုအပ်ပဲ Messenger ပေါ်မှ ဗီဒီယိုကင်မရာ ပုံလေးအား နှိပ်လိုက်ရုံနဲ့ Video Chat အဖြစ် သုံးစွဲနိုင်မှာ ဖြစ်ပါတယ်။ စာရိုက်ပြီး ပြောဆိုနေရာက ရုပ်ကြည့်ပြီး တိုက်ရိုက်ပြောဆို ဆက်သွယ်နိုင်ရန် ချက်ခြင်းဆောင်ရွက်နိုင်မှာ ဖြစ်ပါတယ်။

Facebook Messenger ဟာ iOS ကော Android OS ပေါ်ပါ အသုံးပြုနိုင်တာကြောင့် လက်ရှိ အသုံးအများဆုံး Video Chat ဖြစ်တဲ့ Apple FaceTime ထက် တစ်ပန်းသာနေမှာ ဖြစ်ပါတယ်။ Viber အနေနဲ့လည်း လွန်ခဲ့တဲ့ ၆ လ ခန့်က စတင်ပြီး Video Chat ဝန်ဆောင်မှုအား စတင်ခဲ့သော်လည်း ၁.၁ ဘီလီယံ အင်အားရှိတဲ့ Facebook သုံးစွဲသူများကို မမှီတာ သေချာနေပါတယ်။

Facebook Messenger App ဟာ သာမန် ဆက်သွယ်ရေး ဝန်ဆောင်မှု Application တစ်ခုအဖြစ် စတင်ခဲ့ရာမှ လက်ရှိအချိန်မှာ ဖုန်းကဲ့သို့ ဆက်သွယ်ပြောဆိုခြင်း၊ အသံ၊ ရုပ်ပုံနဲ့ အခြား ဖိုင်များ ပေးပို့ခြင်း၊ မိတ်ဆွေအခြင်းခြင်း ငွေလွှဲမှုအထိ များပြားလှတဲ့ ဝန်ဆောင်မှုများကို ဆောင်ရွက်ပေးလျက် ရှိနေပါတယ်။ Messenger ကို အဆင့်မြှင့်တင်နိုင်ဖို့ Facebook CEO Mark Zuckerberg ဟာ ရင်းနှီးမြှုပ်နှံမှု အတော်များများ ပြုလုပ်ထားပြီး ပြီးခဲ့တဲ့နှစ်ကလည်း နာမည်ကျော် WhatsApp အား ဒေါ်လာ ၁၉ ဘီလီယံနဲ့ ဝယ်ယူခဲ့ပါတယ်။

Facebook ရဲ့ အဆိုအရ ကမ္ဘာတစ်ဝန်း အသံဖြင့် ဆက်သွယ်ပြောဆိုမှုများ အားလုံးရဲ့ ၁၀ ရာခိုင်နှုန်းဟာ Messenger ကို အသုံးပြုပြီး ဆောင်ရွက်ခဲ့တယ်လို့လည်း သိရပါတယ်။ ယင်းဝန်ဆောင်မှုကို လွန်ခဲ့တဲ့ ၂ နှစ်က စတင်ခဲ့တာဖြစ်ပါတယ်။


 
 
 

0 comments:

Post a Comment