Wednesday, March 9, 2016

MTK ဖုန်းတွေမှာ
ပါဝါပွင့်ပြီးတာနဲ့ ချက်ခြင်း ပါဝါပြန်ပိတ်သွားတာနဲ့ အားသွင်းရင် Error! Plaease plug out charger! သတိပေးစာတန်း ပေါ်လာတတ်တဲ့အကြောင်းလေးပါ။

Huawei G610U00 ဖုန်းနဲ့ နမူနာပြထားပါတယ်။

ဖုန်းကို ပါဝါပိတ်ထားပြီး အားသွင်းရင် အပေါ်ကလို သတိပေးစာတန်းလေး ပြပြီဆိုရင် ဖုန်းက အားသွင်းမပေးနိုင်တော့ပါဘူး
Battery နဲ့ သူ့လမ်းကြောင်းတနေရာရာမှာ ဖြစ်နေတဲ့အမှားတခုခုကြောင့် အားသွင်းကြိုးကို ဆွဲဖြုတ်လိုက်ပါလို့ ခိုင်းနေတာပါ။

Battery ငုတ်တွေကို လေ့လာကြည့်တဲ့အခါ ...
1.VBAT or VBATT - ဘက်ထရီ၏ အပေါင်းငုတ်လမ်းကြောင်း (စံသတ်မှတ်ချက် 3.7V)
2. Battery Temperature or Battery On - ဘက်ထရီ၏ အပူချိန်ကို စောင့်ကြည့်သောလမ်းကြောင်း
3. BSI or BID – Battery Status Indicator or Battery Identification - ဘက်ထရီအားအခြေအနေကို ပြပေးသောလမ်းကြောင်း
4. Ground - ဘက်ထရီ၏ အနုတ်ဗို့လမ်းကြောင်း - အများအားဖြင့် ဂရောင်းချထားတတ်ပါတယ်။

အပေါင်းငုတ်ဘေးမှာရှိတဲ့ ပင်နံပါတ် (၂) ကို MTK ဖုန်းတွေမှာ Battery On လို့ သုံးနှုန်းထားပါတယ်။ ပါဝါစနှိုးတဲ့အချိန်မှာ PMU ကနေ BT ငုတ်အတွက် VA PMU လမ်းကြောင်းကတဆင့် 1.8V စတင် ထုတ်ပေးလိုက်ပါတယ်။ BT လမ်းကြောင်းကို PMU ရဲ့ Battery On ငုတ်နဲ့ ဆက်ထားတဲ့အတွက် PMU မှာလဲ 1.8V ပြန်လည်ရောက်ရှိလာမှာပါ။ BT နဲ့ သူ့လမ်းကြောင်းမှာ အမှားတခုခုရှိနေခဲ့ရင် Battery On ငုတ်မှာ 1.8V အတိုင်းပဲ ရှိနေပါလိမ့်မယ်။ အဲဒါဆိုရင် PMU က Battery Temperature တက်နေတယ်လို့ သိသွားပါလိမ့်မယ်။ ပါဝါ နိုးပြီးလို့ UI (User Interface) ပေါ်လာပြီး Lock Screen ဆွဲရမယ့်အချိန်မှာပဲ ပါဝါပြန်ပိတ်သွားပါလိမ့်မယ်

ဘက်ထရီရဲ့ BT လမ်းကြောင်းကောင်းနေခဲ့ရင် BT မှာပါဝင်တဲ့ ခုခံမှုကြောင့် အဲဒီငုတ်မှာ 1.8V ကနေ 0.35V ဝန်းကျင်ကို ပြောင်းသွားပါလိမ့်မယ်။ အဲဒီတော့မှ PMU က ဘက်ထရီပုံမှန်အတိုင်း ရှိနေတယ်ဆိုပြီး ပါဝါဆက်နှိုးပေးပါလိမ့်မယ်
ပါဝါမနှိုးပဲ ဘက်ထရီတတ်ထားပြီး အားသွင်းကြိုးထိုးလိုက်ရင် ပုံမှန်ကောင်းနေတဲ့ဖုန်းတွေမှာတော့ ဘက်ထရီအားကုန်နေရင် အားသွင်းမီးအနီလေးပြပြီး ဘက်ထရီကို စတင်နှိုးပါမယ်။ နာရီပိုင်းလောက်အထိ နှိုးဖို့လိုအပ်ပြီး အားသွင်းဖို့အတွက် လုံလောက်တဲ့ဗို့ရောက်လာပြီဆိုရင်တော့ လိုဂိုတက်လာပြီးတဲ့နောက် ရာခိုင်နှုန်းပြပြီး အားစတင် သွင်းပါတယ်။

ပုံထဲမှာ ပြထားတဲ့အတိုင်း Error! Please plug out charger! လို့ ပေါ်နေခဲ့ရင်တော့ BT (Battery On) လမ်းကြောင်းကို စစ်ဆေးပေးရမှာပါ။ PMU ကနေ ဘက်ထရီပူနေတယ်ထင်ပြီး အားသွင်းမပေးတော့တာပါ။

အချုပ်အားဖြင့် ပြောရရင် MTK ဖုန်းတွေမှာ ပါဝါနှိုးပြီးတာနဲ့ ချက်ခြင်းပြန်ပိတ်သွားတာရယ်၊ အားသွင်းတဲ့အခါ အမှားပြတာရယ်ဟာ Battery On လမ်းကြောင်းနဲ့သာ အဓိက သက်ဆိုင်ပါလိမ့်မယ်။ ဘက်ထရီကောင်းမကောင်း၊ ဘက်ထရီငုတ်ကောင်းမကောင်း နဲ့ သူ့လမ်းကြောင်းမှာ ရှိနေတဲ့ RV (Variable Resistor) များကို အဓိက စစ်ဆေးရမှာပါ။ အားလုံးကောင်းနေပြီး Error မပျောက်သေးရင်တော့ PMU ကိုပဲ စစ်ဆေးပေးရမှာဖြစ်ပါတယ်။


Credit : ➳ Mobile Hardware Training


 


0 comments:

Post a Comment